Seo abairt a dúirt Siobhán i gceann de na comhráite ag tús an aonaid:

Is as Caisleán an Bharraigh ó dhúchas mé ach tá mé i mo chónaí i mBaile Átha Cliath anois le beagnach cúig bliana anuas.

I’m originally from Castlebar but I’ve been living in Dublin now for nearly five years.

Tabhair faoi deara gur athraigh an focal Baile go mBaile mar go raibh an réamhfhocal simplí i ag teacht roimhe. Seo sampla eile d’úrú.

Athraíonn an t‑urú fuaim an fhocail – bánn an litir nua an chéad litir ionas nach gcloistear ach an litir nua.

Cuirtear urú ar na consain b, c, d, f, g, p agus t tar éis an réamhfhocail shimplí i:

b → mb	Béal Feirste	→	i mBéal Feirste
c → gc	Corcaigh	→	i gCorcaigh
d → nd	Doire	→	i nDoire
f → bhf	Fear Manach	→	i bhFear Manach
g → ng	Gaillimh	→	i nGaillimh
p → bp	Port Láirge	→	i bPort Láirge
t → dt	Trá Lí	→	i dTrá Lí

Tá fuaim speisialta ag na litreacha ng sa mhéid is nach mbánn an litir bhreise, n, fuaim na chéad litreach, g. B’fhéidir go mbeadh deacracht agat leis an bhfuaim seo ar dtús ach rachaidh tú i dtaithí uirthi tar éis tamaill!

Úsáidtear an fhoirm in roimh na gutaí:

Éadan Doire

Edenderry

Tá sí ina cónaí in Éadan Doire.

She lives in Edenderry.

Inis

Ennis

Tá siad ina gcónaí in Inis.

They live in Ennis.