Ní shéimhítear aidiacht san uimhir iolra de ghnáth:

Uimhir uatha
scrúdú deacair
bialann dheas

Uimhir iolra
scrúduithe deacra
bialanna deasa

Séimhítear aidiacht san iolra, áfach, nuair leanann sé ainmfhocal a chríochnaíonn ar chonsan caol, fiú nuair a bhíonn na litreacha d, n, t, l, s ag teacht le chéile ag deireadh na haidiachta agus ag tús an ainmfhocail:

na teaghlaigh bheaga
turais dheacra
amhráin dheasa

Ní bhaineann an riail seo leis an ainmfhocal, áfach. Ní shéimhítear ainmfhocail éiginnte a thosaíonn ar d, t, s i ndiaidh ainmfhocal iolra a chríochnaíonn ar d, n, t, l nó s caol.

báid seoil
eastáit tithíochta
cumainn trádála

Ní shéimhítear ainmfhocail a thosaíonn ar f i ndiaidh ainmfhocal iolra dar críoch consain chaola.

comhaid fuaime
baill foirne